Impuls vom 22.11.2008
I bin, woaß net gscheit wer
I bin, woaß net gscheit wer.
I kimm, woaß net woher.
I leb, woaß net wia lang.
I stirb und woaß net wann.
I geh, woaß net wohin.
Was is mei Ziel, mei Sinn?
I woaß, "s werd drauf im Lebn
koa sichere Antwort gebn.
Koa Mensch gibt Auskunft mir.
Drum bet i jetzt zu dir:
Gib bittscheen mir an Halt,
wenn ringsum allsam fallt!
Kenn i mi nimmer aus,
dann zoag an Weg mir raus!
Konn i koan Sinn mehr sehn,
in"s Finstre leucht a weng!
Wenn i oft nimma ko,
geh mir a Stück voro!
Mein Anfang und mei End
leg i in deine Händ.
Amen!
(Helmut Zöpfl)